Psa 62 | VulgJ | STEP | psalmus David cum esset in deserto Iudaeae canticum David cum esset in deserto Iuda

Psalms 62

1 psalmus David cum esset in deserto Iudaeae ^va 2 Deus Deus meus ad te de luce vigilo sitivit in te anima mea quam multipliciter tibi caro mea ^va 3 in terra deserta et invia et inaquosa sic in sancto apparui tibi ut viderem virtutem tuam et gloriam tuam ^va 4 quoniam melior est misericordia tua super vitas labia mea laudabunt te ^va 5 sic benedicam te in vita mea in nomine tuo levabo manus meas ^va 6 sicut adipe et pinguidine repleatur anima mea et labia exultationis laudabit os meum ^va 7 si memor fui tui super stratum meum in matutinis meditabar in te ^va 8 quia fuisti adiutor meus et in velamento alarum tuarum exultabo ^va 9 adhesit anima mea post te me suscepit dextera tua ^va 10 ipsi vero in vanum quaesierunt animam meam introibunt in inferiora terrae ^va 11 tradentur in manus gladii partes vulpium erunt ^va 12 rex vero laetabitur in Deo laudabitur omnis qui iurat in eo quia obstructum est os loquentium iniqua

^va